Mar Mar Aye: The Power of One Voice (Burmese Text)
by Khet Mar / February 7, 2013 / No comments
Mar Mar Aye performs at the People's Square Park, in Yangon, on January 12, 2013. Photo: Myanmar Celebrity, YouTube.
မာမာအေး
မြန်မာနိုင်ငံမှာ ဒေါ်မာမာအေးကို အထူးခြားဆုံးမြန်မာ့ဂီတအဆိုပါရမီရှင်တယောက်၊ မြန်မာနိုင်ငံရဲ့သက်ရှိ ရတနာတပါးပါလို့ပြောလိုက်ရင် ကန့်ကွက်မယ့်သူရှိလိမ့်မယ်မထင်ပါ။
ဒေါ်မာမာအေးဟာ အသက် ၈ နှစ်အရွယ်မှာ စတင်သီချင်းဆိုခဲ့သူပါ။ အသက် ၁၃ နှစ်အရွယ်မှာသီဆိုခဲ့တဲ့ “သက်တန့်ပေါ်မှာကစားမယ်” သီချင်းဟာ အကြီးအကျယ်အောင်မြင်ခဲ့ပြီး ဒေါ်မာမာအေးလည်း နိုင်ငံသိ အဆို ကျော်ဖြစ်လာခဲ့ပါတယ်။ လုံးချင်းဝတ္ထု ၂ အုပ်ခဲ့ပြီး အဆိုလေ့ကျင့်ရေးကျောင်း၊ တေးထုတ်လုပ်ရေး၊ အသံသွင်း စတူဒီယိုတွေ တည်ထောင်လုပ်ကိုင်ခဲ့ပါတယ်။ သီချင်းပုဒ်ရေ ၆၀၀၀ ကျော်သီဆိုခဲ့ပြီး မင်းသမီးအဖြစ် ရုပ်ရှင် ၃ ကားလည်းရိုက်ခဲ့သလို မြန်မာ့အသံမှာ ၁၆ နှစ်တိုင်ဝန်ထမ်းအဖြစ်လုပ်ကိုင်ခဲ့ပါသေးတယ်။ မြန်မာနိုင်ငံ ဂီတ အစည်းအရုံး အဖွဲ့ဝင်အဖြစ်လည်းတာဝန်ထမ်းဆောင်ခဲ့သေးပါတယ်။ ၂၀၀၃ ခုနှစ်ကစပြီး ဒီကနေ့အထိ BBC အသံလွှင့်ဌာမှာ “ပြောပြစရာတွေလည်း တပုံကြီးရှိသေးတယ်” ဆိုတဲ့နံမည်နဲ့ အသံလွှင့်ဆောင်းပါးတခုကို အပါတ်စဉ်တင်ဆက်နေသူလည်းဖြစ်ပါတယ်။
- မြန်မာနိုင်ငံမှာ အစိုးရကချုပ်ကိုင်ထားတဲ့သတင်းစာတွေမှာဖော်ပြလေ့မရှိတဲ့အကြောင်းအရာတွေကို ပြောဆို နားထောင်ချင်ရင် ကျမတို့တတွေ လဘက်ရည်ဆိုင်ကိုသွားကြပါတယ်။ လဘက်ရည်ဆိုင်တွေဟာ သူငယ်ချင်း စာရေးဆရာတွေ၊ နိုင်ငံရေးတက်ကြွလှုပ်ရှားသူတွေ၊ တခြားသောအနုပညာရှင်တွေနဲ့
တွေ့ဆုံစကားဝိုင်းဖွဲ့ရတဲ့ နေရာဖြစ်သလို မိတ်ဆွေသစ်တွေတွေ့ရတတ်တဲ့နေရာလည်းဖြစ်ပါတယ်။ ကျမတို့တတွေဟာ လဘက်ရည် ဆိုင်တွေထဲမှာ စာအကြောင်းပေအကြောင်း နိုင်ငံရေးအကြောင်းတွေပြောကြပါတယ်။ ဒီစာမျက်နှာကလေးမှာတော့ ကျမတို့ပျော်မွေ့ခဲ့ကြတဲ့ လဘက်ရည်ဆိုင်ကစကားဝိုင်းတွေ ကိုလွမ်းဆွတ်စွာနဲ့ အဲဒီတုန်းက ပြောဖြစ်ကြ တဲ့အကြောင်းအရာတွေထဲကတချို့ကို တင်ပြကြည့်ဖို့ကြိုးစားခဲ့ပါတယ်။ 
- ခက်မာဟာ မြန်မာနိုင်ငံက စာရေးဆရာ၊ သတင်းစာဆရာ၊ ကဗျာနဲ့အက်ဆေးရေးသူတဦးဖြစ်ပါတယ်။ “နှင်းရိုင်းကြွေတဲ့ည” အမည်ရှိ လုံးချင်းဝတ္တုတအုပ်နဲ့ ၀တ္တုတိုပေါင်းချုပ် ၃အုပ်၊ အက်ဆေးပေါင်းချုပ် ၁ အုပ်ေ၇းသားထုတ်ဝေခဲ့ပြီးဖြစ်ပါတယ်။ ခက်မာရဲ့ဝတ္တုတိုနဲ့ ကဗျာတချို့ကို အင်္ဂလိပ်ဘာသာ၊ ဂျပန်ဘာသာနဲ့ စပိန် ဘာသာပြန်ဆိုခြင်းခံခဲ့ရသလို ရေဒီယိုဇာတ်လမ်းများ၊ ဇာတ်လမ်းတိုရုပ်ရှင်များအဖြစ်အသုံးပြုခြင်းခံခဲ့ရပါတယ်။ ခက်မာဟာ ခိုလှုံရာဗိမာန် “City of Asylum/Pittsburgh” ရဲ့ ယာယီနေထိုင်ခွင့်ရစာရေးဆရာဟောင်းတဦးလည်းဖြစ်ပါတယ်။
ဒါပေမယ့် ၁၉၉၈ ခုနှစ်မှာ အမေရိကန်နိုင်ငံကို အလည်အပါတ်ထွက်ခွာလာလိုက်တာဟာ ဒေါ်မာမာအေးရဲ့ ဘ၀ကို တဆစ်ချိုးပြောင်းလဲစေခဲ့ပါတယ်။ အဲဒီ ၁၉၉၈ ခုနှစ်ကစပြီး စစ်အစိုးရဟာ မြန်မာနိုင်ငံအတွင်းမှာ ဒေါ် မာမာအေးရဲ့တေးစီးရီးများထုတ်ဝေခွင့်၊ သီချင်းများအသံလွှင့်ခွင့်သာမက ပြည်တွင်းထုတ်စာနယ်ဇင်းနဲ့ အသံ လွှင့်မီဒီယာတွေမှာ ဒေါ်မာမာအေးနံမည်ဖော်ပြခွင့်ကိုပါ အကြောင်းပြချက်မရှိပိတ်ပင်ခဲ့ပါတယ်။ ၁၉၉၈ နောက် ပိုင်းမွေးဖွားလာ သူနဲ့ အရွယ် ရောက်ခဲ့သူ လူငယ်တွေအတွက် မာမာအေးဆိုနဲ့နံမည်ကို ဘယ်လိုပုံနှိပ်မီဒီယာ အသံလွှင့်မီဒီယာမှာမှ ကြားခွင့်မရခဲ့ကြတော့ပါဘူး။
မြန်မာနိုင်ငံမှာ အရေး အကြောင်းကြုံလာတဲ့ အခါတွေမှာ ပြည်သူ့ဖက်ကရပ်တည်ပြီး သူလုပ်နိုင်တာ လုပ်သင့် တာကိုလုပ်ကိုင်ခဲ့တဲ့ဒေါ်မာမာအေးဟာ ၂၀၀၇ ရွှေဝါရောင်တော်လှန်ရေးလှုပ်ရှားမှုမှာ ဖမ်းဆီးရိုက်နှက်သတ် ဖြတ်ခံရတဲ့ သံဃာတော်တွေအတွက် လူထုရဲ့ခံစားရမှုကို တေးသီချင်းအဖြစ်ဖွဲ့ဆိုအသံလွှင့်ခဲ့ပါတယ်။ ၂၀၀၈ နာဂစ်စ် မုန်တိုင်းတိုက်ခတ်စဉ်မှာ မြန်မာအစိုးရက ကယ်ဆယ်ရေးလုပ်ငန်းတွေလုံလောက်အောင် မဆောင်ရွက် ရုံမက ပြည်ပအကူအညီတွေကိုပါတားဆီးခဲ့တာကြောင့် မြန်မာနိုင်ငံသားမိသားစုဝင်တွေအတွင်းမှာပဲ ရန်ပုံငွေရှာ ဖွေ ရေးလို ကိစ္စတွေမှာလည်း ဂီတနဲ့စည်းရုံးလှုံ့ဆော် ရန်ပုံငွေရှာပေးတာမျိုးပြုလုပ်လို့ ပြည်သူ တွေဖက်က ရပ်တည်ခဲ့ပါတယ်။
အကြောင်းကြောင်းကြောင့် ပြည်ပမှာ ဆယ်စုနှစ်နဲ့ချီပြီးနေထိုင်ရပေမယ့်လည်း မိခင်နိုင်ငံရဲ့သတင်းကိုအမြဲတန်း နားစွင့်နေပါတယ်ဆိုတဲ့အကြောင်းကို ၂၀၀၈ခုနှစ်မှာ အသံလွှင့်ခဲတဲ့ရေဒီယိုအင်တာဗျူးတခုမှာ ဒေါ်မာမာအေး က ခုလိုပြောခဲ့ပါတယ်။
“အကြောင်းကြောင်းကြောင့် ပြည်ပမှာနေရပေမယ့် ကျမရဲ့စိတ်နဲ့ ကိုယ်ချင်းစာတရားက ကိုယ့်နိုင်ငံဆီပြန် ရောက်နေတော့ မြန်မာပြည်ကလူတွေခံစားနေရသလို ကျမလည်းခံစားနေရပါတယ်” တဲ့။
၂၀၁၂ ခုနှစ်မှာထုတ်လွှင့်ခဲ့တဲ့ တီဗီအစီအစဉ်တခုမှာလည်း ဒေါ်မာမာအေးပြောခဲ့တဲ့စကားတခွန်းကလည်း သူအမေရိကန်ပြည်ထောင်စုမှာနေထိုင်နေရပေမယ့်သူ့စိတ်ဟာ မြန်မာပြည်သူတွေဆီရောက်နေတယ်ဆိုတာ ပေါ်လွင်စေပါတယ်။
“ ကျမတို့ နိုင်ငံမှာလည်း ဒီမှာလိုပဲ လှပတဲ့နေရာတွေအများကြီးပါပဲ။ အဲဒီအလှအပတွေကို ကိုယ့်ပြည်သူပြည် သားတွေ အရသာခံပြီး စိတ်နှလုံးချမ်းသာစွာနဲ့နေရရင် ဘယ်လောက်ကောင်းလိမ့်မလဲလို့စဉ်းစားမိပါတယ်။”
ကျမမြန်မာနိုင်ငံမှာရှိစဉ်က ဒေါ်မာမာအေးနဲ့ခင်မင်ခွင့်မကြုံခဲ့ပါဘူး။ ၂၀၁၀ ခုနှစ်မှာ ဒေါ်မာမာအေးနေထိုင်တဲ့ အင်ဒီယားနားပြည်နယ် ဖို့ဝိန်းမြို့မှာ စာပေဟောပြောပွဲဟောပြောဖို့ဖိတ်ကြားခံရတဲ့အတွက် ဒေါ်မာမာအေးနဲ့ ဆုံဆည်းခင်မင်ခွင့်ကြုံခဲ့ပါတယ်။ ဒေါ်မာမာအေးကို ဖို့ဝိန်းမှာ မြန်မာမိသားစုဝင်တွေရဲ့အရေးကိစ္စတွေကို စိတ်ပါလက်ပါဦးဆောင်ကူညီပေးတဲ့ မြိုပမိမြို့ဖတဦးအဖြစ်တွေ့ရပါတယ်။
ဖို့ဝိန်းကိုဒုတိယအကြိမ်ရောက်ချိန်မှာ အန်တီမာမာအေးရဲ့သူငယ်ချင်းလည်းဖြစ် လုပ်ဖော်ကိုင်ဖက်လည်းဖြစ် တဲ့နိုင်ငံကျော်အဆိုတော်ကြီး ကိုတင်လှိုင်အကြောင်းပြောဖြစ်ကြပါတယ်။ ကျမနဲ့ ဦးတင်လှိုင်တို့စကားဝိုင်းတခု မှာ ဦးတင်လှိုင်က “ညီမလေးမအေးမြင့်ရေ..နင့်ကိုငါတို့လွမ်းလှတယ်ကွဲ့”လို့ပြောပြီး မျက်ရည်ကျကြောင်း ပြောမိပါတယ်။ ကျမစကားမဆုံးခင်မှာပဲ အန်တီအေးကလည်းမျက်ရည်ဖြိုင်ဖြိုင်ကျနေပါပြီ။ “သူတို့လို နှစ်ပေါင်း များစွာ အတူတူအလုပ်လုပ်ခဲ့တဲ့ သူငယ်ချင်းမိတ်ဆွေတွေနဲ့ ဘယ်တော့မှပြန်တွေ့ရပါ့မလဲမသိဘူးလို့ပြောရင်း ပါးပေါ်ကမျက်ရည်တွေကိုလက်ခုံနဲ့သုတ်နေတဲ့ အန်တီအေးပုံရိပ်ကို ကျမ ဘယ်တော့မှမမေ့ပါဘူး။
၂၀၁၃ ဇန်န၀ါရီလဆန်းမှာတော့ သူကိုယ်တိုင် ပုံဖော်မရခဲ့တဲ့ ပြန်လည်ဆုံဆည်းမှုရသကို ဒေါ်မာမာအေးခံစား ရပါပြီ။ သူအိမ်ပြန်ခွင့်ရပါပြီ။
ရန်ကုန်ရဲ့ထူးထူးခြားခြားအေးတဲ့ ဇန်န၀ါရီတညမှာတော့ ဒေါ်မာမာအေးဟာ သူအင်မတန်တွေ့ချင်တဲ့ ပရိသတ် ကိုတွေ့ရပါပြီ။ သူ့ကိုချစ်တဲ့ပရိသတ်ကလည်း ကွင်းပြင်ထဲက သူ့ရဲ့တကိုယ်တော် ဂီတဖျော်ဖြေပွဲမှာ အအေး ဒါဏ်ကိုအံတုရင်း ဒေါ်မာမာအေးရဲ့ဂီတကိုခံစားအားပေးကြပါတယ်။
မြန်မာ့ဂီတကို အင်မတန်ချစ်တဲ့ဒေါ်မာမာအေးဟာ မြန်မာဂီတချစ်ပရိတ်သတ်တွေကြားမှာ သူ့အနုပညာဘ၀ကို ဖြတ်သန်းနေထိုင်သွားချင်မှာပါပဲ။ ဒါပေမယ့် သူမြန်မာပြည်မှာမနေနိုင်သေးပါဘူး။
“ကျမဟာအရင်မာမာအေးမဟုတ်ပါဘူး။ အသစ်တဖန်မွေးဖွားထားတဲ့မာမာအေးပါ။ ကျမက နှလုံးသွေးကြော တွေ ခွဲထုတ် ဖြုတ်လဲ ပေးထားရတာ။ ကျမချစ်တဲ့မြန်မာပြည်ထဲမှာနေရင် ကျမတခုခုဖြစ်တဲ့အခါ ဘယ်က၀င်ငွေ နဲ့ဆေးသွား ကုရမလဲ။ အမေရိကားမှာက သက်ကြီးထောက်ပံ့တဲ့ ကျန်းမာရေးဌာနက ကုန်ကျခံပေးလို့ပဲ။ နာမည်ဖြတ်၊ သီချင်းပိတ်၊ သတင်းပိတ်၊ တံခါးပိတ် ဂျိတ်လုပ်ထားခဲ့တဲ့ ဆယ်စုတစ်ခုစာ ကိုယ်ဘယ်မှာရှာခဲ့ ရလို့လဲ။”
ကိုယ်ချစ်တဲ့မြေမှာနေချင်သော်လည်း နေခွင့်မရရှာတဲ့ ဒေါ်မာမာအေးလိုအနုပညာသည်တွေအတွက် အမိမြေ ဟာ စိတ်အပူအပင်ကင်းကင်းနဲ့နေနိုင်မယ့် ခိုလှုံရာနေရာတခုဖြစ်လို့ ဘယ်လောက်တောင်ထပ်စောင့်ရဦးမှာပါ လိမ့်။
